Það er mér sönn ánægja að kynna nýjan fréttaritara sem mun hjálpa mér við að endurlífga fréttavefinn sem hefur verið í ágætum dvala síðastliðna mánuði.
Nýi fréttaritarinn okkar er hann Eiður Árnason, sem hefur brennandi áhuga á Apple og öllu því tengdu.
Við bjóðum hann velkominn í hópinn og hlökkum til að sjá vaxandi líf og fréttir á Maclantic.
Björgvin
Stofnandi Maclantic
Eitt kvöld nóvembermánaðar 2005 settist ég niður við tölvuna mína, þá staðsettur í Hamborg í Þýskalandi, algjörlega ráðalaus (og atvinnulaus) og hugsaði að ég yrði að gera eitthvað í málunum. Það vantaði traustan og góðan umræðuvef fyrir Apple-notendur á Íslandi með nýjar áherslur. En þá staldraði ég við og fór að hugsa: Hvernig býr maður til spjallvef eiginlega?
Það er mögnuð tilfinning að hugsa til þess að það eru heil fimm ár síðan ég hóf þessa síðu.
Það var leitt að sjá hvernig IceMUG fór (þáverandi virki spjallvefur) og ég fór að sakna þess að geta ekki haft eitthvað til að leita til, því Mac-notendur hafa í raun ávallt staðið frekar vel saman sem hópur og verið mjög gjarnir til að hjálpa til og spjalla um hitt og þetta í Apple-heiminum.
Það tók mig nokkra daga í að finna út hvernig maður stofnar spjallvef og ákvað svo að skella mér í djúpulaugina, phpBB varð fyrir valinu og meiri að segja búið að þýða yfir á íslenskt tungumál (almennilega, svo að ég hélt).
Næst á dagskrá var að finna nafn.
Nafn? Hvaða nafn gæti eiginlega tengt Ísland við Mac?, var mín fyrsta hugsun. Ég hugsaði augljóslega fyrst um orðið Mac en fór svo að pæla, af hverju tengjum við ekki nafnið við hafið sem umlykur land okkar og snertir meginland Vínlands og Evrópu? Mac-Atlantic, en mér fannst nafnið frekar augljóst og bjánalegt. En þannig var það nú til: Maclantic.
11. nóvember tókst mér að koma öllu af stað og hannaði einn ljótasta spjallvef Íslandssögunnar. Ég sendi skilaboð á alla iChat-félaga mína um að ég hafi stofnað spjallborðið og innan skamms náðum við yfir hundrað notendur.
Stuttu seinna datt inn notandi sem kallaði sig „pallisvans“ sem sendi mér í kjölfarið póst og sagðist vilja endurhanna vefinn. Hann gerði það á örfáum dögum og útlitið varð allt annað og ekki eins amatör, ef svo má orða það.
Minn næsti draumur var að hafa almennilegan fréttavef, þar sem Apple-fréttir á íslenskri tungu væri mjög virkur með allavega 2-3 fréttir á dag. Verandi atvinnulaus í Þýskalandi var það minnsta mál, a.m.k. þrjár fréttir voru skrifaðar daglega og stundum hátt uppí átta.
Vefurinn óx enn hraðar í kjölfarið með góðar undirtektir Mac-notenda á Íslandi (sem og erlendis).
Í dag hefur spjallvefurinn yfir 5.000 skráða notendur og einn virkasta Mac-vefinn í dag.
Ég vil því (aftur) nota tækifærið og þakka Palla Svans fyrir hans hjálparhönd og til allra þeirra sem hafa veitt mér aðstoð með kóðun, lagfæringar, þýðingar, fréttaskrif og marg fleira.
Kærar þakkir!
En talandi um útlit…
Maclantic mun fá nýtt andlit innan skamms, algjörlega endurhannað með nýjum litum, uppsetningu og fleira! Spjallvefurinn verður einnig breyttur til muna, en einfaldleikinn mun vera áfram til staðar (sem ég held að flestir verði ánægðir með).
Við erum að skoða að hafa bjórkvöld og annað skemmtilegt þegar nýja útlitið verður kynnt. Fylgist vel með!
En svona í lokin þá vil ég þakka Maclantic notendum fyrir ómetanlegan vilja til að hjálpa til og halda þessum vef gangandi. Maclantic væri ekki til án ykkar.
Björgvin Björgvinsson
Stofnandi og eigandi Maclantic.is
Apple hélt blaðamannafund í gær þar sem rætt var um loftnetsvandamál á iPhone 4 og öðrum símum.
Í stuttu máli var sagt að allir GSM símar í dag væru með svipað vandamál (líka eldri gerðir af iPhone), að þeim þætti mjög vænt um viðskiptavini sína, að þeir myndu gefa ókeypis hulstur fyrir þá sem vilja þegar iPhone 4 er keyptur eða 100% endurgreiðslu.
Einnig var þessi síða stofnuð: http://apple.com/antenna/
Mæli með að hafa skoðað fyrrnefndu síðu og einnig að hafa lesið þessa frétt áður en grein mín er lesin: MacRumors: Apple to Offer Free Cases for iPhone 4 Customers.
Ég er staddur í S-Þýskalandi, við Alpafjöllin, þar sem mikið er um hóla og hæðir í þessu undurfagra strjálbýla svæði. GSM sambandið hér er bæði mjög lélegt og sums staðar mjög gott, en það fer alveg eftir því hvort maður er uppi á hóli, milli hóla og fjalla eða einfaldlega í stórum og dimmum skógi.
Því fannst mér kjörið að nota tækifærið og aðstæðurnar og prófa nýja iPhone 4 símann minn ásamt iPhone 3G (sem er því miður farinn að líta út eins og gamall Nokia sími við hliðina á iPhone 4).
Ég ákvað að taka mér dágóðan göngutúr þar sem gengið var upp á fjöll, niður í drungalega og dimma skóga, og opin svæði þar sem kýrnar bauluðu og flugurnar æstar í að fá sér sopa af fersku íslensku blóði með ívafi af þýskum bjór.
Þar sem Steve Jobs hefur verið ansi glaður á að svara tölvupósti frá Apple-notendum síðastliðna mánuði (og staðfest það í viðtali á All Things Digital) þá ákvað ég að senda stutta línu á kappann í gær.
Í þetta skipti spurði ég einfaldlega af hverju Keynote væri ekki lengur sent út í beinni á netinu, eins og áður var gert. Ég vildi deila þessu með ykkur þar sem einmitt margir hafa pirrað sig á þessu síðastliðin ár og líka vegna þess að WWDC er í dag.
Svar hans var hnitmiðað að vana:
Þar sem sumir hafa ekki getað notað spjallvefinn í dag er hægt að leysa það á mjög einfaldan máta:
Ef upp kemur villa þegar þú ferð inn á spjallið skaltu smella á „Aftengjast“ og skrá þig svo aftur inn.
Það fer að styttast í kynninguna hjá Apple sem verðu haldin 27. janúar, eða eftir sex daga.
Nokkuð víst er að nýtt tæki verður kynnt til sögunnar samkvæmt heimildum, en svo kemur ýmist annað til greina eins og iPhone OS 4.0, iLife ‘10 með meiru.
Taktu endilega þátt í könnuninni í reitnum „Við spyrjum“ hér til hliðar ->
Maclantic óskar lesendum og notendum sínum gleðilegra jóla og þakkar allar góðu, skemmtilegu, pólítísku og áhugaverðu umræður sem skapast hafa á spjallvefnum á þessu ári.
Eplaárið í ár hefur verið nokkuð gott með tilkomu iPhone 3GS, endurhannaðri og öflugari MacBook, glæsilegum nýjum iMökkum ásamt mörgu fleira (hvar er nýja Apple TV og iTablet?).
Vonandi fá sem flestir harða Apple-pakka í jólagjöf í ár.
Hafið það sem allra best yfir hátíðarnar!
Jólakveðjur,
Björgvin Björgvinsson
Stofnandi Maclantic.is
Vegna bilunar liggur spjallsvæðið niðri. Ekki er vitað hvað veldur því, en verið er að skoða það í þessum skrifuðum orðum.
Læt ykkur vita þegar þetta hefur verið lagað.
Kv.
Bjöggi
Uppfærsla: Up and running…
Uppfærsla 2: Ekki lengur…
Uppfærsla 3: Virkar. Afsaka biðina.
Vegna aukinnar eftirspurnar hef ég ákveðið að bjóða notendum að kaupa iTunes kort í gegnum Maclantic.
Það hefur komið í ljós að margir hafa lent í miklum vandræðum vegna svika á iTunes kortum í gegnum tíðina og hef ég því ákveðið að bjóða upp á þessa þjónustu fyrir notendur Maclantic.
Um er að ræða 100% lögleg kort sem keypt eru í Bandaríkjunum og fær fólk afhent mynd af kortinu ásamt kóða.
$50 iTunes kort verða til boða og kosta þau $60 stykkið.
Íslendingar hafa hingað til getað keypt sér 100% lögleg kort frá t.d. Maximuscards.com. Lesendur verða að gera sér grein fyrir því að innkaupaverðið á kortunum er það sama og andvirði þeirra. Ýmis færslugjöld koma frá Paypal. Einnig tekur vinur minn 50% af hagnaði fyrir umstangið. Með því að versla hér getið þið því verið 100% örugg um að kortin séu lögleg og – þið styrkið Maclantic samfélagið í leiðinni.
Eitt mjög mikilvægt atriði:
Aðgangur getur verið lokaður vegna fyrri kaupa viðkomandi aðila af ólöglegum kortum (hugsanlega án ykkar vitneskju). Þess vegna ráðlegg ég ykkur að stofna nýjan aðgang nema þið séuð 100% viss um að fyrri viðskipti ykkar á núverandi aðgangi hafi verið byggð á 100% löglegum iTunes kortum. Leiðbeiningar um hvernig stofna skal nýjan aðgang fylgir hverju keyptu korti.
Nánar um afgreiðslu korta og skilmála má nálgast hér:
Eftir mikla erfiðleika er Maclantic nú loksins flutt til Íslands og þar af leiðandi er nýja slóðin .IS
Við biðjumst velvirðingar á töfinni sem varð í dag, en vegna óhjákvæmilegra breytinga hjá fyrri hýsingaraðila féll Maclantic.com skyndilega niður án viðvörunar.
Maclantic.is er nú loks komið á góðan stað og vil ég nota tækifærið og þakka 1984.is fyrir frábæra þjónustu og þá sérstaklega Helga (sem þið þekkið best sem „harabanar“ á spjallinu) fyrir alla hjálpina.
Kveðja,
Bjöggi
PS. Ef þið rekist á villur eða hafið einhverjar athugasemdir vinsamlegast hafið samband við mig, takk.
PPS. Munið að breyta bókamerkjum í Maclantic.is þar sem .com verður lokað á næstunni!
(Um nýja iPad) This new device has more memory and higher screen resolution than an Xbox 360 or PS3.
Loading ...