Fréttatilkynning frá Epli.is:

Föstudaginn 25. mars verður hulunni svipt af iPad 2, sem er önnur kynslóð af spjaldtölvunni vinsælu frá Apple. Eftir kl. 17:01 verður hægt að kynna sér iPad 2 í verslun Epli.is á Laugavegi 182 og hægt að panta á vefsíðu þess, www.epli.is, kl. 01:00 á föstudeginum.

iPad 2 er algjörlega endurhönnuð og er 33% þynnri og allt að 15% léttari en fyrri kynslóð af iPad. Hún viðheldur sömu skjástærð og skjá (9,7” LED-baklýstur LCD). iPad 2 er með nýjan tveggja-kjarna A5 örgjörva frá Apple sem skilar mun meiri afköstum í hraða og grafík en áður. Þar að auki hefur hann að geyma tvær innbyggðar myndavélar, ein að framanverðu fyrir FaceTime® og Photo Booth® og ein að aftan sem getur tekið upp hreyfimyndir í háskerpugæðum (720p).

Þrátt fyrir að vera þynnri, léttari og troðinn nýjum eiginleikum, fæst enn allt að 10 klst rafhlöðuending á iPad 2.

iPad 2 með Wi-Fi mun vera á eftirfarandi verði; 79.990 kr. fyrir 16GB gerðina, 109.990 kr. fyrir 32GB gerðina og 126.990 kr. fyrir 64GB gerðina.

iPad 2 með Wi-Fi og 3G mun vera á eftirfarandi verði; 114.990 kr. fyrir 16GB gerðina, 129.990 kr. fyrir 32GB gerðina og 149.990 kr. fyrir 64GB.

Tveir litir verða í boði; svartur og hvítur.

Skrifað í flokkinn: iPad
2 athugasemdir / Skrifa athugasemd

Mikil spenna hefur ríkt í Apple heiminum í gær og í dag og ekki væri af og frá að segja að iPad 2 yrði heitasta tækið á þessu ári.

Þið sem ætlið að kaupa (eða ætlið ekki að kaupa) iPad 2, takið þátt í könnuninni hér hægra megin ->

Verður gaman að sjá hvaða módel verður vinsælast hjá Maclantic notendum!

Skrifað í flokkinn: iPad
Skrifa athugasemd

Eins og sumir tóku eftir var Ísland eitt af þeim útvöldu löndum sem fá iPad 2 í hendurnar í lok mars.

Frá og með í dag er hægt að panta eintak af græjunni og þannig hægt að tryggja sér eintak af fyrstu sendingu(m).

Verð á iPad 2 er frá 89.990 kr. og hægt að panta á www.epli.is/ipad

Skrifað í flokkinn: iPad
Skrifa athugasemd

Nýr iPad leit dagsins ljós í dag með ýmsum nýjum og spennandi eiginleikum.

iPad 2 er mun þynnri en forveri hans eða 33% þynnri. Einnig er hann um 80 grömmum léttari.

Ekki skaðar að hafa hann nettari en áður, heldur hefur Apple einnig bætt við í innviði hans og hefur hann nú að geyma dual-core A5 örgjörva sem keyrir á 1GHz. Samkvæmt Apple er hann allt að 2x hraðvirkari en fyrri A4 örgjörvinn og grafík allt að 900% öflugri!

Spennandi hlutir eins og myndavél að framan- og aftanverðu hefur verið bætt við og er hægt að nýta þær í FaceTime og til að taka upp hljóð og mynd.

Þar að auki tókst Apple að halda rafhlöðuendingu græjunnar til hins ítrasta og viðheldur iPad 2 því sömu endingu og fyrri kynslóð, eða allt að 10 klst. í þráðlausri notkun eða við kvikmyndaáhorf.

Uppfærsla á iOS stýrikerfinu var einnig kynnt og mun það innihalda aukahugbúnað eins og FaceTime og Photo Booth. iOS 4.3, eins og það heitir, hefur einnig 2x hraðvirkara JavaScript í Safari, AirPlay endurbætur, hægt að breyta „mute“ takkanum í „rotation lock“ (góð íslenska hér á ferð) og Personal Hotspot (einungis iPhone 4).

Einnig kynnti Apple iMovie fyrir iPad með fullt af nýjum fídusum ásamt GarageBand fyrir iPad.

iPad verður fáanlegur í tveimur litum; svörtum og hvítum.

Skoðið nánari upplýsingar um nýju græjuna og fídusa á www.apple.com/ipad

Skrifað í flokkinn: iPad
Skrifa athugasemd

Fréttatilkynning

Fimmtudaginn 13. janúar kl. 14 mun Katrín Jakobsdóttir, menntamálaráðherra, formlega opna fyrstu rafbókasíðu landins,Lestu.is. Fer opnunin fram í Bókasafni Seltjarnarness á Eiðistorgi.

Við það tækifæri mun einnig rithöfundurinn Andri Snær Magnason ræða stuttlega um sýn rithöfunda á rafbækur og Ragnheiður Tryggvadóttir, framkvæmdastjóri Rithöfundasambandsins ræðir um rafbækur almennt. Vefurinn Lestu.is verður að því loknu kynntur betur með tilliti til hugmyndafræði hans og virkni.

Rafbókasíðan Lestu.is er sú fyrsta sinnar tegundar á Íslandi og er þar að finna mikið af sígildum íslenskum og þýddum bókmenntaverkum sem hægt er að hlaða inn á lestölvur eins og iPad eða Kindle frá Amazon, auk þess sem lesa má bækurnar sem flettibækur á tölvunni. Á Lestu.is verður einnig að finna ítarlegri bókmenntaumfjöllun en á sambærilegum erlendum síðum. Þar verður t.a.m. hægt að kynna sér stutt æviágrip höfunda og hugleiðingar um verk þeirra. Þá verður gefið út bókmenntatímarit á Lestu.is með alls kyns viðbótarfróðleik. Umfjöllunin verður bæði í formi texta og myndbanda og verða fljótlega í boði stutt námskeið um valin verk og/eða höfunda. Síðast en ekki síst verður hægt að panta alla titla á síðunni í hefðbundnu bókaformi á sanngjörnu verði.

Til að halda stöðu okkar á alþjóðavettvangi sem bókaþjóð er nauðsynlegt fyrir Íslendinga að tileinka sér þær nýjungar sem eiga sér stað úti í hinum stóra heimi á þessu sviði. Að geta sótt sér texta og bókmenntir milliliðalaust og sett inn á lestölvu kemur til með að gjörbylta því umhverfi sem menn þekkja, bæði almennt og í námi. Ef þessi nýja tækni á að njóta sín til fullnustu er nauðsynlegt að hafa aðgengilegt mikið magn af textum sem styðja við þróunina. Það er einmitt það sem við á Lestu.is höfum unnið að og munum vinna að í framtíðinni.

Við bjóðum alla velkomna í Bókasafn Seltjarnarness kl. 14, fimmtudaginn 13. janúar þar sem menntamálaráðherra opnar fyrstu íslensku rafbókasíðuna og blað verður brotið í sögu íslenskra bókmennta þegar rafræna bókabyltingin hefst fyrir alvöru.

Með bestu kveðju,
Starfsfólk Lestu.is

Skrifað í flokkinn: iPad
Skrifa athugasemd

Apple hefur gefið út uppfærslu fyrir iPad sem inniheldur eftirfarandi:

- Endurbætt tenging á Wi-Fi
- Lagfæring á copy/paste vandamáli á 1 bls. PDF skjölum í Mail
- Lagfæring á frosti sem getur átt sér stað þegar horft er á myndskeið
- Endurbætt gæði á VGA-útgangi
- Bing bætt við sem möguleika á leitarvél í Safari

Uppfærslan er framkvæmd með því að tengja iPad við iTunes og smella á „Update“.

Skrifað í flokkinn: iPad
Skrifa athugasemd

Fréttatilkynning frá Nova:

Ný sérgerð micro-símkort fyrir 3G iPad fást nú hjá Nova. Fáar ef nokkrar tölvur hafa vakið jafn mikla athygli og nýja iPad tölvan frá Apple. Þessi tölva er án efa heitasta varan á markaðinum í dag. Á nýjustu iPad tölvunni sem kom á markað í síðustu viku er símkortarauf fyrir 3G micro-símkort. Um er að ræða sérgerð símkort sem sett eru í tölvuna og því þarf ekki utanáliggjandi 3G pung. Með iPad er hægt að tengjast netinu í gegnum WiFi og 3G netsamband. Nokkur eftirspurn hefur verið eftir iPad símkortum hjá Nova þrátt fyrir að iPad tölvan sé enn ekki fáanleg hér á landi. Hún fæst hins vegar í verslunum Apple í Bandaríkjunum og þó nokkrir hafa þegar orðið sér úti um eintak.
Nova býður 3G internetþjónustu í áskrift og frelsi fyrir 3G iPad. 3G internet áskrift hjá Nova kostar frá 1.990 kr. á mánuði fyrir 5 GB netnotkun en í frelsi er hægt að fylla á netnotkunina eftir þörfum: 2 GB á 1.490 kr. eða 5 GB á 2.490 kr. 3G internet er hefðbundin nettenging sem hentar vel fyrir alla almenna netnotkun – tölvupóst og til að vafra um netið. Hægt er að nota 3G internet í stað ADSL sambands en hraðinn er allt að 5 Mb/s, algengasti hraði tengingar er á bilinu 2-3 Mb/s.
3G internet er ódýrt og gott netsamband sem heimatenging, í sumarbústaðinn og/eða til að taka með sér hvert sem farið er innanlands.

Góðar fréttir fyrir eigendur iPad 3G + WiFi!

Skrifað í flokkinn: iPad
2 athugasemdir / Skrifa athugasemd