Apple hefur gefið út uppfærslu fyrir iPad sem inniheldur eftirfarandi:

- Endurbætt tenging á Wi-Fi
- Lagfæring á copy/paste vandamáli á 1 bls. PDF skjölum í Mail
- Lagfæring á frosti sem getur átt sér stað þegar horft er á myndskeið
- Endurbætt gæði á VGA-útgangi
- Bing bætt við sem möguleika á leitarvél í Safari

Uppfærslan er framkvæmd með því að tengja iPad við iTunes og smella á „Update“.

Skrifað í flokkinn: iPad
Skrifa athugasemd

Fréttatilkynning frá Nova:

Ný sérgerð micro-símkort fyrir 3G iPad fást nú hjá Nova. Fáar ef nokkrar tölvur hafa vakið jafn mikla athygli og nýja iPad tölvan frá Apple. Þessi tölva er án efa heitasta varan á markaðinum í dag. Á nýjustu iPad tölvunni sem kom á markað í síðustu viku er símkortarauf fyrir 3G micro-símkort. Um er að ræða sérgerð símkort sem sett eru í tölvuna og því þarf ekki utanáliggjandi 3G pung. Með iPad er hægt að tengjast netinu í gegnum WiFi og 3G netsamband. Nokkur eftirspurn hefur verið eftir iPad símkortum hjá Nova þrátt fyrir að iPad tölvan sé enn ekki fáanleg hér á landi. Hún fæst hins vegar í verslunum Apple í Bandaríkjunum og þó nokkrir hafa þegar orðið sér úti um eintak.
Nova býður 3G internetþjónustu í áskrift og frelsi fyrir 3G iPad. 3G internet áskrift hjá Nova kostar frá 1.990 kr. á mánuði fyrir 5 GB netnotkun en í frelsi er hægt að fylla á netnotkunina eftir þörfum: 2 GB á 1.490 kr. eða 5 GB á 2.490 kr. 3G internet er hefðbundin nettenging sem hentar vel fyrir alla almenna netnotkun – tölvupóst og til að vafra um netið. Hægt er að nota 3G internet í stað ADSL sambands en hraðinn er allt að 5 Mb/s, algengasti hraði tengingar er á bilinu 2-3 Mb/s.
3G internet er ódýrt og gott netsamband sem heimatenging, í sumarbústaðinn og/eða til að taka með sér hvert sem farið er innanlands.

Góðar fréttir fyrir eigendur iPad 3G + WiFi!

Skrifað í flokkinn: iPad
2 athugasemdir / Skrifa athugasemd

Vegna aukinnar eftirspurnar á iPad í Bandaríkjunum sér Apple sig ekki fært um að koma græjunni á Evrópumarkað í tæka tíð.

Upphaflega var sagt að tækið yrði fáanlegt í lok þessarar mánaðar (apríl), en staðan breyttist í dag sem þýðir að hún verður ekki seld fyrr en í lok maí-mánaðar. Hins vegar mun Apple byrja að taka við pöntunum á iPad 10. maí í flestum Evrópulöndum.

Although we have delivered more than 500,000 iPads during its first week, demand is far higher than we predicted and will likely continue to exceed our supply over the next several weeks as more people see and touch an iPad™. We have also taken a large number of pre-orders for iPad 3G models for delivery by the end of April.

Faced with this surprisingly strong US demand, we have made the difficult decision to postpone the international launch of iPad by one month, until the end of May. We will announce international pricing and begin taking online pre-orders on Monday, May 10. We know that many international customers waiting to buy an iPad will be disappointed by this news, but we hope they will be pleased to learn the reason—the iPad is a runaway success in the US thus far.

www.apple.com/pr/library/2010/04/14advisory_ipad.html

Skrifað í flokkinn: iPad
Skrifa athugasemd

Það má vægast sagt segja að algjört „iPad æði“ gangi nú yfir heiminn, eða a.m.k. í Bandaríkjunum.

Lítið er annað að sjá en umfjallanir um iPad og gagnrýni á tæknisíðum og bloggsíðum og hefur tækið fengið mjög góða dóma á síðum á borð við Engadget og Gizmodo.

Tækið er þó ekki gallalaust (enda væri slíkt eitthvað skrítið) en kostir þess virðast vega stórt á móti þeim göllum sem fyrirfinnast. Það sem stendur mest uppúr þar er að tækið vantar s.k. „multitasking“, en á morgun kynnir Apple nýtt stýrikerfi fyrir jaðartæki á borð við iPhone og iPad og talið líklegt að sá „galli“ heyri sögunni til.

Persónulega er ég ekki búinn að prófa iPad, en á von á að það gerist fyrir eða eftir helgi og því verð ég að bíða með að skrifa dóma um það.

Hins vegar hefur ArsTechnica gefið út dóma um iPad sem eru heilar 18 bls. (á þeirra mælikvarða).

ArsTechnica eru þekktir fyrir vandaðar og góðar greinar og því mæli ég sterklega með að Apple aðdáendur lesi iPad dómana á vefsíðu þeirra, eða hér: arstechnica.com/apple/reviews/2010/04/ipad-review.ars

Til gamans má nefna að síðast var spurt á Maclantic hvort þú værir spennt(ur) fyrir iPad og tóku samtals 924 manns þátt og þar af svöruðu 56% játandi og 44% neitandi.

Það verður áhugavert að vita hvernig næstu úrslit líta út, en nú spyrjum við: Ætlarðu að kaupa þér iPad?

Endilega taktu þátt hér til hliðar. Úrslit eldri kannana má sjá á maclantic.is/kannanir.

Skrifað í flokkinn: iPad
Skrifa athugasemd

PCWorld hefur gert s.k. „stress test“ á iPad til að sýna okkur hversu vel við þurfum að fara með tækið. Mælt er með að hafa græjuna í hulstri til að verna hana fyrir höggi.

Hér getið þið séð myndbandið:
www.pcworld.com/article/193388/apple_ipad_stress_tests.html

ATH! Ekki fyrir viðkvæma.

Skrifað í flokkinn: iPad
4 athugasemdir / Skrifa athugasemd