Apple hefur nú gefið út Firmware 1.1.1 fyrir iPhone. Við minnum á að hakkaða iPhone skal alls ekki uppfæra fyrr en komin er reynsla á slíkt eða búið að uppfæra hakkforrit. Þó ætti það ekki að vera neitt vesen þar sem uppfærslan er ekkert sérstaklega gómsæt… Jú kannski smá.

Nýjungar eru:

• iTunes Wi-Fi
• Hærri hljóðstyrkur (hátalari og hringing)
• Tvíklikk á „Home“ takka færir mann beint í músík (eða favorite)
• Tvíklikk á „Spacebar“ gefur punkt og bil
• Viðhengi í Mail virka í landscape
• Endurröðun í Stocks og Weather
• Batterísstaða Apple Bluetooth Headset í „Status Bar“
• Stuðningur við „TV out“
• Kveikja/Slökkva á EDGE/GPRS
• Nýjar tímastillingar á lykilorðslæsingu
• Stillanlegur hljóðstyrkur viðvörunartóna

Ýmsar óskauppfærslur eru ekki á listanum, t.d. að geta sent SMS á marga í einu, fleiri myndaviðhengi í e-mail, Copy-Paste, ný forrit og margt fleira.

Skrifað í flokkinn: iPhone
2 athugasemdir / Skrifa athugasemd

Hakkarahetjurnar í iPhone Dev Team tóku ekki langan tíma í að svara iPhoneSimFree. Strax fyrstu mínútur eftir útgáfu hakksins fóru meðlimir iPhone Dev Team að tæta í sundur húgbúnað IPSF og sáu þeir fljótlega hvað þeim hafði yfirsést allan tímann. Þar sem þetta var ekki nema eitt lítið atriði tóku þeir eingöngu nokkra klukkutíma í að búa til sitt eigið hakk – ekki neinn „reverse-engineeraðan“ bastarð af IPSF hakkinu. Hakkið hefur verið prófað og staðfest af hlutlausum aðilum.

Þetta nýja freeware hakk verður svo gefið út á næstu mínútum eða klukkutímum og verða upplýsingar um slíkt setta hér inn hið fyrsta.

UPDATE (endurbætt)

Fjölmargar slóðir fyrir niðurhal og nokkur tutorials eru á sveimi þessa stundina. Hakkið hefur ekki hlotið grafískt viðmót og er því ansi flókið fyrir venjulegan tölvunotanda. Fyrir þá sem vilja samt reyna er besti byrjunarreitur fyrir heildarlausn (niðurhalstengla og tutorials) á eftirfarandi slóð:

http://forums.macrumors.com/showthread.php?t=353612

UPDATE (viðbót)

Grafískt viðmót á hakkinu virðist vera tilbúið. Þó þarf enn að framkvæma „jailbreak“ o.fl. en nú virkar hakkið sjálft meira líkt og IPSF hakkið – framkvæmt í símanum sjálfum. Sjá eftirfarandi slóð:

http://www.freeiphoneunlock.com/unlock/

Skrifað í flokkinn: iPhone
25 athugasemdir / Skrifa athugasemd

Tækjabloggið Gizmodo hefur birt myndband sem sýnir óklippt hvernig gengið er í gegnum aflæsingarferlið með forritinu sem iPhoneSimFree.com hafa búið til. Ferlið er furðulega einfalt og þægilegt í notkun; vinnur sjálft á meðan beðið er í 2-3 mínútur.

Það þarf þó að vera búið að opna símann, þ.e. framkvæma „Jailbreak“, áður en krakkið er sett inn. Mörg temmilega einföld forrit eru í boði til að auðvelda þá aðgerð.

Það sem á eftir fylgir er, svona að mestu leyti, lauflétt. Við kaup á krakkinu er gefið upp IMEI númer símans sem er skráð í gagnagrunn iPhoneSimFree.com. Krakkiðforritið er næst sett inn á apparatið og ræst með því að smella á viðeigandi hnapp í valmynd þess. Þá athugar forritið hvort síminn sé með skráð IMEI númer í gagnagrunninum og ef svo er, þá er hann opnaður.

Skoðið myndbandið hjá Gizmodo.

Skrifað í flokkinn: iPhone
5 athugasemdir / Skrifa athugasemd

Þeir voru margir sem efuðust þegar tækjabloggið Engadget sendi út yfirlýsingu þess efnis að Software hakk (þ.e. hakk til að aflæsa kerfislæsingu AT&T án þess að opna símann og eiga við vélbúnað) frá iPhoneSimFree.com væri raunverulegt. Á ýmsum spjallborðum netsins var haldið fram að Engadget væri einfaldlega að plata, etv. til að fá athyglina.

En nú hefur „alvöru“ fjölmiðill, nánar tiltekið CNN, tekið undir staðhæfinguna; hakkið frá iPhoneSimFree.com virkar!

Los Angeles software consultant Brett Schulte, who is not affiliated with the developers, demonstrated the software for CNN Friday evening.

An iPhone that had the new software appeared to work on the T-Mobile system just seconds after Schulte replaced the AT&T SIM card with a T-Mobile SIM card.

“It’s completely software hacked,” Schulte said. “There’s no case opening required. It’s not required to do any kind of disassembly.” It took Schulte about two minutes to unlock the iPhone.

Frétt á CNN.com

Þó er spurning hvort að hakkið frá þessum aðila muni ná að skila sér til almennings, en lagalega er það á afskaplega gráu svæði að selja, þ.e. hagnast, á hakkinu. Mun lagateymi Apple og AT&T ná til þeirra?

Frétt sem þessi er þó hvað helst góð því hún segir okkur að iPhone sé hakkanlegur og því bara tímaspursmál hvenær stærsti iPhone hakkhópurinn; iPhone Dev Team, ná að klára hakkið sitt – sem verður gefið út frítt og því „óstoppanlegt“.

Skrifað í flokkinn: iPhone
7 athugasemdir / Skrifa athugasemd