Adobe hefur gefið út takmarkaðar beta-útgáfur af þremur forritum í fjórðu útgáfu Creative Suite forritapakkans. Þetta eru forritin Dreamweaver, Fireworks og Soundbooth.

Helstu nýjungar eru eftirfarandi:

Dreamweaver CS4 (sjá vef)
Nýr “Related Files” tólastika og nýr kóðavafri, ásamt nýjum “Live View” möguleika sem gerir notandanum kleift að sjá útlit og viðmót síðunnar breytast í rauntíma án þess að þurfa að skipta yfir í vafra.

Fireworks CS4 (sjá vef)
Notendaviðmótið hefur verið aðlagað að öðrum forritum CS pakkans. Einnig er nú meðal annars hægt að keyra út úr forritinu svokölluð design comps sem gagnvirkar pdf skrár.

Soundbooth CS4 (sjá vef)
Meðal annars hefur fjölrásastuðningur loksins bæst við forritið, hægt er að forhlusta á mp3 þjöppun áður en hún er keyrð út, og ný talkennslatækni gerir notendum kleift að búa til handrit á einfaldan hátt af skrám sem innihalda tal og leita að orðum í tímalínunni.

Betaútgáfurnar getur hver sem er náð í, en aðeins skráðir eigendur CS3 pakkans geta notað þær lengur en í 48 tíma frá því að þær eru fyrst opnaðar, allt þar til endanleg útgáfa CS4 kemur út.

Skrifað í flokkinn: Forrit
3 athugasemdir / Skrifa athugasemd

Við í makkaheiminum höfum verið eilítið úti í kuldanum þegar kemur að torrentum, enda eru þau fáu forrit í þessum geira sem eru til fyrir makkann ýmist óstöðug eða þau skortir valmöguleika eins og til dæmis að velja einstakar skrár úr einum torrent.

Seint á síðasta ári dró þó til tíðinda þegar BitTorrent Inc keypti vinsælasta torrentforritið á Windows í dag, uTorrent. Var um leið ákveðið að þróa það áfram, og fyrir bæði Mac og Linux einnig.

Aðdáendur uTorrent hafa talið helstu kosti uTorrent vera afar lítil minnisnotkun og gegnsætt notendaviðmót.

Torrentfreak (torrentfreak.com) birti á dögunum skjámyndir og umfjöllun af notendaviðmóti lokaðrar betaútgáfu uTorrent fyrir Mac, og þetta lofar svo sannarlega góðu.

Það eru því spennandi tímar framundan fyrir torrentfíkla í maclantshafinu, því uTorrent er væntanlegt á Mac á næstunni.

Torrentfreak

Skrifað í flokkinn: Forrit
2 athugasemdir / Skrifa athugasemd

Microsoft hefur nú loksins tilkynnt útgáfu Microsoft Office 2008 for Mac. Hún mun verða Universal Binary og því keyra jöfnum höndum á eldri og nýrri mökkum.

Ásamt því að bjóða upp á flesta þá möguleika sem Office 2007 í Windows hefur, eins og stuðning við nýtt skráasnið byggt á XML, þá mun Office 2008 einnig innihalda möguleika sem eru bundnir við makkaútgáfuna, svosem „My Day“, en það er einhverskonar skipulagswidget sem tengist póst- og skipulagsforritinu Entourage beint.

Publishing Layout View er einnig sértækur makkamöguleiki í Word sem á að gera almennum notendum kleift að setja upp skjöl eins og um væri að ræða vanan umbrotsmann. Augljóst þykir að Microsoft sækir þessa hugmynd beint til Pages.

Microsoft Office 2008 for Mac er væntanlegt á seinni hluta þessa árs.

Skrifað í flokkinn: Forrit
Skrifa athugasemd