Rétt í þessu lauk Phil Schiller kynningu sinni á Macworld 2009. Satt að segja áttu flestir von á meiru á kynningunni s.s. nýrri Mac mini og jafnvel uppfærslu á iMac.
Apple kynntu nýja 17″ MBP með sama útliti og núverandi 15″ vél. Á tölvunni er 1900×1200 LED upplýstur skjár, með 700:1 contrast ratio og stærra litsviði. Einnig er boðið uppá valmöguleikann á því að hafa skjáinn mattann fyrir $50. Ekki voru miklar uppfærslur á “standard” vélbúnaðinum aðrar en þær tölvurnar koma nú með innbyggðu batteríi sem endist í allt að 8 klst og 1000 hleðslur. Hægt er að velja um fjölda uppfærslna á vélinni en án allra auka endurbóta kostar hún $2799.
iPhoto: Tvær nýjar leiðir kynntar til þess að flokka myndir, Faces og Places. Einnig er nú hægt að setja myndir beint úr iPhoto yfir á facebook eða flickr auk fjölda annarra nýjunga.
iMovie: Gerir nú fólki kleyft að búa til myndbönd á fljótlegan og einfaldan hátt en auðveldara er að klippa myndskeið sem aldrei fyrr. Einnig hefur verið bætt við alls kyns sniðugum effektum auk þess að forritið minnkar nú hristing á myndavélinni.
GarageBand: Helstu nýjungar eru þær að nú getur fólk lært að spila sín uppáhalds lög í gegnum forritið.
iLife 09′ mun koma út í janúar fyrir $79.
Keynote: Forritið gert enn betra með alls konar nýjum effektum, auk þess að hægt verður að nota iPhone eða iPod touch sem fjarstýringu.
Pages: Núna getur fólk unnið skjölin sín í full-screen og með nýjum valmyndum. Einnig var stuðningi fyrir MathType 6 bætt við.
Numbers: Formúluskrif gerð einfaldari með nýjum formúluvafra auk fleiri möguleika á dálkauppsetningu.
iWork.com var kynnt til sögunnar en það gerir notendum kleyft að vinna skjöl og deila með öðrum á netinu.
iWork 09′ er komið út fyrir $79 en einnig verður hægt að kaupa það á $49 með nýrri Apple vél.
iTunes
Í dag munu 8 af 10 milljónum laga í iTunes Store verða DRM laus í gegnum iTunes Plus og í mars munu þær tvær milljónir sem eftir eru einnig verða það. Eigendur iPhone 3G munu nú geta náð í lög yfir 3G net í stað einungis Wi-Fi. Að lokum munu svo Apple breyta verðlagningu sinni á lögum í iTS sem hefst í apríl. Lögin verða á þá 69 cent, 99 cent eða $1.29.
Loading ...
(Um nýja iPad) This new device has more memory and higher screen resolution than an Xbox 360 or PS3.
Ef að maður vill vera með smámunasemi, mætti koma fram að það var alltaf hægt að uploada myndum úr iPhoto á facebook, það er ekkert nýtt… eða ég hef allavega gert það mjög oft (og með góðum árangri, ótrúlega þægilegt).