smellið á myndina til að stækka

Apple kynnti síðastliðinn mánuð nýja þráðlausa stöð sem styður 802.11n staðalinn. Þessi nýi staðall býður upp á mun meiri gagnagetu en áður hefur þekkst og gerir því mönnum kleift að streyma stærra efni á styttri tíma.

802.11n staðallinn býður upp á allt að 540mbps hraða, en það er 10 sinnum hraðvirkara en sá sem notaður er mest í dag (802.11g).

Merkilegasta við þessa nýju stöð, fyrir utan hönnunina, er að hún hefur að geyma USB-tengi sem hægt er að nota til að tengja utanáliggjandi diska (flakkara) sem bjóða upp á USB2 tengi. Þetta þýðir einfaldlega að ekki þarf lengur að hafa flakkarana nálægt tölvunni heldur hægt að geyma þá á öðrum stað þar sem þeir trufla mann ekki.

Þó er mikilvægt að taka fram að einungis tölvur með Core 2 Duo örgjörva (ásamt Mac Pro) hafa möguleikann til að nýta sér 802.11n. Tölvurnar eru þó ekki tilbúnar í slaginn, eins og maður segir, en það þarf að virkja þennan staðal annað hvort með því að borga fyrir sérstaka uppfærslu eða kaupa sér fyrrnefndu þráðlausu stöð því henni fylgir uppfærslan.

Airport Extreme Base Station má búast við að sjá hér á landi í enda mánaðarins og má gera ráð fyrir að hún muni til með að kosta 19.900 krónur.

Meira um vöruna á Apple.com
Myndir af Airport Extreme stöðinni

Skrifað í flokkinn: Þráðlaust
3 athugasemdir / Skrifa athugasemd