Eins og margir hafa tekið eftir, þá kynnti Apple 27″ LED Cinema Display í gær en að sama skapi hefur fyrirtækið hætt að framleiða 24″ LED Cinema Display og 30″ Cinema Display. Ákveðið hefur verið að selja skjáina á meðan birgðir endast.
Nýi 27″ skjárinn má segja að komi í staðinn fyrir eldri 30″ Cinema Display þar sem hann ber nánast sömu upplausn (2560 x 1440 á móti 2560 x 1600), en ekki virðist vera að Apple muni koma með staðgengil fyrir 24″.
Vert er þó að nefna að 27″ LED Cinema Display mun til með að kosta $999, á meðan 24″ er á $799 og 30″ kostar $1799.
27″ LED Cinema Display er væntanlegur í september í BNA.
Skrifað í flokkinn: Cinema Display
8 athugasemdir / Skrifa athugasemd
Eftir ýmsar skemmtilegar nýjungar í dag (m.a. Magic Trackpad, nýjan iMac og 27″ LED Cinema Display) hefur Apple þar að auki kynnt nýja Mac Pro.
Nýja gerðin af Mac Pro er fáanleg með 4, 6, 8 eða 12 kjörnum. Þar að auki fylgir mun öflugra skjákort með vélunum: ATI Radeon HD 5770 með 1GB GDDR5. Hægt er að uppfæra það í ATI Radeon HD 5870.
Allar gerðir hafa tvö Mini DisplayPort skjátengi og eitt dual-link DVI tengi. Önnur tengi hafa að öðru leyti ekki breyst.
Einnig er hægt að panta Mac Pro vélarnar með allt að fjórum 512GB SSD-diskum, en gera má ráð fyrir að slík uppfærsla sé mjög kostnaðarsöm.
Dæmi um verð á nýju Mac Pro:
$2499: einn 4-kjarna 2,8GHz / 3GB vinnsluminni / 1TB HD
$3499: tveir 4-kjarna 2,4GHz / 6GB vinnsluminni / 1TB HD
$4999: 12-kjarna / 6GB vinnsluminni / 1TB HD
Nýja Mac Pro verður fáanleg í ágúst í Bandaríkjunum
Skrifað í flokkinn: Mac Pro
4 athugasemdir / Skrifa athugasemd
Það er mikið að gerast í Apple-heiminum um þessar mundir, en fyrirtækið hefur kynnt nýjan 27″ LED-baklýstan skjá sem hefur hingað til einungis verið fáanlegur í 24″ stærð.
Skjárinn inniheldur 49W hátalara, iSight vefmyndavél, hljóðnema, MagSafe hleðslusnúru og Mini DisplayPort tengi.
Upplausnin á 27″ skjánum er 2560 x 1440 dílar, birtustig 375 cd/m2, viðbragðstími 12ms og contrast 1000:1.
Verðið er $999 í BNA og verður fáanlegur í september.
Skrifað í flokkinn: Cinema Display
Skrifa athugasemd
Orðrómurinn reyndist réttur því iMac hefur verið uppfærð í dag og inniheldur nú hraðvirkari örgjörva og mun betri skjákort:
21,5″ minnsta gerðin hefur fengið eftirfarandi uppfærslur:
- 256MB ATI Radeon HD 4670 í stað NVIDIA GeForce 9400M
- 3,06GHz Intel Core i3 í stað Intel Core 2 Duo
21,5″ stærri gerðin og minni gerðin af 27″ iMac:
- 512MB ATI Radeon HD 5670 í stað 256MB ATI Radeon HD 4670
- 3,2GHz Intel Core i3 í stað 3,06GHz Intel Core 2 Duo
Stærri gerðin af 27″ iMac:
- 2,8GHz Intel Core i5 í stað 2,66GHz
- Örgjörvi stækkanlegur í 2,93GHz Intel Core i7
- 1GB ATI Radeon HD 5750 í stað 512MB ATI Radeon HD 4850
Mjög flott uppfærsla hjá Apple á stuttum tíma, og sýnir að Apple eru farnir að sýna meiri áhuga á leikjamarkaðinum með því að hafa betri og öflugari skjákort í borðtölvum sínum.
Skrifað í flokkinn: iMac
8 athugasemdir / Skrifa athugasemd
Í dag kynnti Apple til sögunnar nýtt jaðartæki sem ber heitið „Magic Trackpad“.
Um er að ræða þráðlausan (Bluetooth) músarflöt með fjölsnertiskynjurum eins og þekkist á fartölvum frá Apple, en þó er flatarmálið mun stærra á Magic Trackpad.
Verð á nýja jaðartækinu er $69 í Bandaríkjunum
Ásamt Magic Trackpad var nýtt hleðslutæki fyrir AA-rafhlöður kynnt. Um er að ræða hleðslutæki sem notar litla orku og með því fylgja 6 AA NiMH rafhlöður og eiga að endast í allt að 10 ár samkvæmt Apple.
Rafhlöðurnar virka í þráðlausu jaðartækin frá Apple: Magic Mouse, Apple Wireless Keyboard og að sjálfsögðu Magic Trackpad.
Verð á Apple Battery Charger er $29.
Skrifað í flokkinn: Apple, Jaðartæki
Skrifa athugasemd
Allt bendir til þess að við fáum að sjá nýjar vörur frá Apple í dag, en vaninn er sá að þegar Apple Store er niðri þá kemur eitthvað nýtt.
Reglan er þó ekki að svo sé ávallt, en vegna nýlegs orðróms þá gerum við sterklega ráð fyrir því.
Bíðum spennt!
http://store.apple.com
Skrifað í flokkinn: Apple, Orðrómur
Skrifa athugasemd
Samkvæmt orðróm er talið að Apple muni uppfæra iMac- og Mac Pro-línu sína í dag. Einnig er talið að nýir Cinema skjáir með LED-baklýsingu verði kynntir til sögunnar.
Mac Pro línan frá Apple hefur ekki verið uppfærð síðan í mars í fyrra og síðasta Cinema Display línan var gefin út 2008 (í millitíðinni var 24″ LED Cinema Display kynntur).
Þar að auki er talað um nýtt fjölsnertitæki frá Apple sem mun heita „Magic Trackpad“.
Þriðjudagur er dagur nýrra vara hjá Apple og því verður gaman að sjá hvort við fáum að sjá nýjar og spennandi vörur í dag.
Heimild
Skrifað í flokkinn: Cinema Display, Mac Pro, Orðrómur, iMac
2 athugasemdir / Skrifa athugasemd
Vefþátturinn Helginn (http://helginn.is) og vefverslunin Buy.is (http://buy.is) hafa sett af stað skemmtilegan leik á Facebook. Verðlaunin eru ekki af verri endanum. Fyrstu verðlaun eru hvorki meira né minna en iPhone 4 32GB í boði Buy.is. Leikurinn gengur út á notkun samfélagsmiðlanna Facebook og YouTube. Mikið af myndbrotum sem sýnd eru í Helganum koma einmitt af YouTube, en nú er komið að áhorfendum til að búa til efnið.
Til að taka þátt þarf að „Like-a“ Helgann og Buy.is á Facebook og svo þarf þátttakandi að segja af hverju sá á skilið að fá iPhone 4. Taka þarf skilaboðin upp á video, setja þau á YouTube og senda þeim slóðina á http://helginn.net/iphone4. Þeir fara yfir innsent efni og velja 10 myndbönd í úrslit. Úrslita myndböndin verða sett á Facebook og sá sem fær flest „Like“ vinnur.
Þessi leikur byggir á hugmyndaflugi og samfélagsáhrifum þátttakenda með hjálp þeirra netmiðla sem eru í boði í dag. Þátttakendur geta sent inn hvað sem er, en hver Facebook notandi getur aðeins tekið þátt einu sinni.
Tekið er á móti efni frá til 6. ágúst og úrslitin eru svo vikuna 8. – 14. ágúst. Sigurvegarinn verður kynntur í Helganum í vikunni þar á eftir. Kynningu leiksins má finna á http://www.helginn.is/2010/07/19/special-iphone-4-leikur/ og á http://www.youtube.com/watch?v=b_aY56g_8B4
Nánar um Helgann
Helginn er vefþáttur þar sem Helgi Hrafn og Helgi Steinar ræða um fréttir og efni af netinu. Þeir fá til sín gesti, prufa nýjustu tækni og ræða um það sem gengur og gerist að hverju sinni. Þátturinn varð 1. árs 1. júlí 2010 og náðu strákarnir að gefa út að meðaltali 3 þætti í mánuði. Helgi Hrafn er verkefnastjóri hjá hugbúnaðarhúsinu Stefnu og Helgi Steinar er verslunarstjóri NOVA á Akureyri.
Vefslóð: http://helginn.is
Twitter: http://twitter.com/helginn
Facebook: http://facebook.com/helginnTV
Youtube: http://youtube.com/helginnTV
Skrifað í flokkinn: Annað, iPhone
1 athugasemd / Skrifa athugasemd
Leikjasíðan Joystiq hefur gefið út skemmtilega útgáfu af heimasíðu sinni í App Store fyrir iPhone og iPod touch.
Mun þægilegra er að lesa greinar, skoða vídeó og lesa gagnrýni en ella. Mæli eindregið með því.
Forritið er frítt og fæst hér.
Skrifað í flokkinn: App Store, iPhone, iPod
Skrifa athugasemd
Myndin segir allt sem segja þarf:
Sjá bls. 13 hér.
Skrifað í flokkinn: Samkeppni, iPhone
10 athugasemdir / Skrifa athugasemd
Loading ...
The Apple iPad. The name is a killing word -- more than a product -- it's a statement, an idea, and potentially a prime mover in the world of consumer electronics.
